Gjendet mbi lumin e Çorovodës afër qytetit të Çorovodës në Skrapar. Ajo është ndërtuar në njërën nga rrugët e karvaneve Berat – Skrapar – Korçë.  Qemeri kryesor i urës është me majë të mprehtë, ndërsa dritaret shkarkuese dhe qemerët anësorë janë në formë gjysmë rrethore. Ura është ndërtuar nga arkitekti i njohur shqiptar Mimar Kasëmi në mesin e shek.XVII. Kjo vepër inxhinierike është 29,6 m e gjatë dhe 3,2 m e gjerë në mesin e urës. Ajo është urë simetrike me tre qemerë me kurriz dhe me dritare shkarkuese.